भारत की संस्कृति के लिए... भाषा की उन्नति के लिए... साहित्य के प्रसार के लिए
रहेॅ इंजोरिया / संयुक्ता भारती
Kavita Kosh से
Rahul Shivay (चर्चा | योगदान) द्वारा परिवर्तित 21:34, 22 जून 2016 का अवतरण ('{{KKGlobal}} {{KKRachna |रचनाकार=संयुक्ता भारती |अनुवादक= }} {{KKCatAngikaRachna...' के साथ नया पृष्ठ बनाया)
कुच्छू एन्होॅ करोॅ
कि जिन्दगी भोर बनेॅ
हर आफत रोॅ तोड़ बनेॅ
वक्त बदललै बदलोॅ भेष
रहेॅ इंजोरिया अंग प्रदेश ।
काज करोॅ एहनोॅ बढ़ियाँ
अंग केॅ अंग लगावे दुनियाँ
धरती हुलसेॅ जिनगी हुलसेॅ
ओराबेॅ भी सब्भे क्लेष
रहेॅ इंजोरिया अंग प्रदेश ।
छोड़ोॅ नै तोंय आपनोॅ थाथी
आय कहै छौं माय रोॅ छाती
गेलै बेरा गरब करै रोॅ
ऐलै बेराµकरोॅ नै कलेष
रहै इंजोरिया अंग प्रदेश ।
देखोॅ अब नै देर लगावोॅ
अंग-अंग सें अंग जगावोॅ
ई जिनगी के कोॅन भरोसोॅ
आय दिखै कल भेलोॅ शेष
रहै इंजोरिया अंग प्रदेश
गीत रचोॅ संगीत रचोॅ
बूढ़ोॅ तरी पर भीत रचोॅ
रोम-रोम फड़केॅ मानव के
रचो कवि जन ऊ संदेश्ष
रहेॅ इंजोरिया अंग प्रदेश ।
