भारत की संस्कृति के लिए... भाषा की उन्नति के लिए... साहित्य के प्रसार के लिए
गोछी / पतझड़ / श्रीउमेश
Kavita Kosh से
Lalit Kumar (चर्चा | योगदान) द्वारा परिवर्तित 02:52, 2 जुलाई 2016 का अवतरण ('{{KKGlobal}} {{KKRachna |रचनाकार=श्रीउमेश |अनुवादक= |संग्रह=पतझड़ /...' के साथ नया पृष्ठ बनाया)
भरी आँख काजर भोग्गारी ननकू गोछी लेलेॅ छै।
बनिहारोॅ केॅ फोंक-बतासा परसादोॅ में देलेॅ छै॥
कादोॅ भेलै खेतोॅ में, रोपनी ऐली दौड़ी-दौड़ी।
गाँथै छै गोछी खेतोॅ में घोघी केॅ ओढ़ी-ओढ़ी॥
भादो के बरसा मंे रोपनी के जे गीत उभरलोॅ छै।
बेंगोॅ के टर-टर में वै गीतोॅ के रंग बदललोॅ छै॥
बरसा के ऊ सुखद दृस्य आजो आँखी तर घूमै छै।
सरङोॅ के पानीं धरती केॅ, बड़ी प्रेम सें चूमै छै॥
सोनों उगत धरती सें, बेसी नै चार महीना बाद।
लछमी खेतोॅ में लोटी-लोटी केॅ देतै आसिरबाद॥
