भारत की संस्कृति के लिए... भाषा की उन्नति के लिए... साहित्य के प्रसार के लिए
पन भरनी / पतझड़ / श्रीउमेश
Kavita Kosh से
Lalit Kumar (चर्चा | योगदान) द्वारा परिवर्तित 03:13, 2 जुलाई 2016 का अवतरण ('{{KKGlobal}} {{KKRachna |रचनाकार=श्रीउमेश |अनुवादक= |संग्रह=पतझड़ /...' के साथ नया पृष्ठ बनाया)
घैलोॅ-बाल्टी-रस्सी लेलेॅ यै ठाँ हमरा कुइयॉ पर।
झबिया, लखिया, पबिया ऐली पानी भरलक गाछी तर॥
माथा पर छै केस, केस पर अँचरा, अँचरा पर गेडुली।
गेडलीपर घैलोॅ छै, घैला पर लोढा राखी चलली॥
काँखी तर छै दोसरोॅ धैलोॅ, हाथोॅ में बाल्टी रस्सी।
छै मस्तानी चाल सभै के, वतियाबैहस्सी-हस्सी॥
माथा के धैलोॅ स्वतंत्र छै, नै हीलै-नै डोलै छै।
कत्तेॅ कत्तेॅ बात करैछेॅ, मुसकी-मुसकी बालै छै।
जोगी जेना ब्रह्म-चिन्तना करि दुनियाँ के साथ रहेॅ।
राजा जनक समान रही केॅ; सीत-धूप बरसात सहूं॥
तेहिनें ई बनभरनी देखोॅ राखी केॅ घला पर ध्यान।
बात करै छेॅ, राह चलै छेॅ राखीं केॅ वें आपनोॅ सान॥
