भारत की संस्कृति के लिए... भाषा की उन्नति के लिए... साहित्य के प्रसार के लिए
सब्भे कुछ भूली गेला / अमरेन्द्र
Kavita Kosh से
Rahul Shivay (चर्चा | योगदान) द्वारा परिवर्तित 21:03, 19 जुलाई 2016 का अवतरण ('{{KKGlobal}} {{KKRachna |रचनाकार=अमरेन्द्र |अनुवादक= |संग्रह=करिया...' के साथ नया पृष्ठ बनाया)
हमरा की-की तोहें देतियौ, छोड़ोॅॅ घूरी केॅ तेॅ ऐतियौ
तोहें दिल्ली जैत्हैं सब्भे कुछ भूली गेला ।
तोहरोॅ भाषण धुआंधार, ‘सब केॅॅ जीयै के अधिकार’
तोहें दिल्ली जैत्हैं सभ्भे कुछ भूली गेला ।
‘सब केॅ रोजी रोटी घोॅर, सभ्भे होतै सुख सें तोॅर’
तोहें दिल्ली जैत्हैं सब्भे कुछ भूली गेला ।
हमरोॅ घर के बुरा हाल, तोहें आपने लेॅ बेहाल
तोहें दिल्ली जैत्हैं सब्भे कुछ भूली गेला ।
हमरोॅ गोड़ पकड़बोॅ रोबोॅ, आपनोॅ वोटो लेॅ घिघयैबोॅ
तोहें दिल्ली जैत्हैं सब्भे कुछ भूली गेला ।
केना तोहरा पर पतियैथौं, तोहें जुतयैबौ, जुतयैथौ
तोहें दिल्ली जैत्हैं सब्भे कुछ भूली गेला ।
