भारत की संस्कृति के लिए... भाषा की उन्नति के लिए... साहित्य के प्रसार के लिए
देशोॅॅ लेॅ सोचोॅ / अमरेन्द्र
Kavita Kosh से
Rahul Shivay (चर्चा | योगदान) द्वारा परिवर्तित 21:26, 19 जुलाई 2016 का अवतरण ('{{KKGlobal}} {{KKRachna |रचनाकार=अमरेन्द्र |अनुवादक= |संग्रह=करिया...' के साथ नया पृष्ठ बनाया)
कुच्छू तेॅ देशोॅ लेॅ सोचोॅॅ
पैहिलै सेॅ तेॅ छेलौं छोॅ टा
नयका साल में फेनू एक टा
थाह कहीं पर छौं की, नै छौं
ई साल बेटी, ऊ साल बेटा
भरले रहै छौं हरदम खोचोॅ
कुच्छू तेॅ देशोॅ लेॅ सोचोॅ ।
साले-साल ई छट्टी भौजी
बीकी जेथौं चट्टी भौजी
केना केकरा पालवौ-पोसबौ
खुलथौं आँख के पट्टी भौजी
बिलबिल करथों जेहनोॅ मूसोॅ
कुच्छू तेॅ देशोॅ लेॅ सोचोॅ ।
हिन्नें रोकोॅॅ देश बढ़ावोॅ
आॅपरेशन के लैन लगावोॅ
पुत्रा पावै के छोड़ोॅ किंछा
ढेंगरा-ढंेगरी घौंज-मौज-बोचोॅ
कुच्छू तेॅ देशोॅ लेॅ सोचोॅॅ ।
