भारत की संस्कृति के लिए... भाषा की उन्नति के लिए... साहित्य के प्रसार के लिए
भोरकोॅ चान / सूर्यनारायण शर्मा
Kavita Kosh से
Rahul Shivay (चर्चा | योगदान) द्वारा परिवर्तित 06:36, 28 जुलाई 2016 का अवतरण ('{{KKGlobal}} {{KKRachna |रचनाकार=सूर्यनारायण शर्मा |अनुवादक= }} {{KKCatAn...' के साथ नया पृष्ठ बनाया)
भोर पहर के थकलोॅ चान,
मन उदास मुरझैलोॅ छै,
रात भर जगली जेना नवेली,
पलक झुकाय शरमैलोॅ छै !
उजरोॅ दग-दग मेघ-सेज सें,
लै अँगड़ाई आबै छै,
मन्द चाल शरमैलेॅ चेहरा,
पछियें मूँ सरकाबै छै !
मेघोॅ के रुइया में कखनू,
नील आकाशोॅ पर गड़लोॅ छै,
कखनू उजरोेॅ कमलोॅ नाखी,
पात पुरैनी पर अड़लोॅ छै ।
दूध के फेनोॅ रं उजरोॅ,
बच्चा के निरमल किलकारी,
कखनू लागे नया जुआनी,
के पानी सें रत-रत आरी ।
उतरै बेरियाँ जेना जुआनी,
आभा के माला पिन्हनें छै,
या भोरें नें नील-समुन्दर
से अमरित प्याला छिननें छै ।
