कहाँ पुग्यौ भन ए माया तिमी म त्यहीँ आउँदैछु
खेलेको हामीले त्यही ठाउँमा बसी गीत यो गाउँदैछु
सम्झना आउँछ त्यो पात्ले खोला सलल बगेको
ढुङ्गामा बसी तिमी र मैले कसम खाएको
नभेटी कहीँ तिमीलाई अन्त म त्यहीँ धाउँदैछु
खेलेको हामीले त्यही ठाउँमा बसी यो गाउँदैछु
त्यो बाटो हिँडदा रुखको आडमा लुकेझैँ गरेको
जिस्केर तिमीले चिमोट्दा खेरी दुखेझैँ गरेको
त्यही खेल खेली हाँसेर बस्न यो घर छाउँदैछु
खेलेको हामीले त्यही ठाउँमा बसी गीत यो गाउँदैछु