नमान लाज यस्तरी / किरण खरेल
युवक -
नमान लाज यस्तरी,
कि झुम्छ जिन्दगी मेरो
युवती-
नआऊ सामू यस्तरी,
कि अड्छ ढुकढुकी मेरो
युवक -
त्यो घुम्टो म उचालूँ कि, मुहार त्यो नियालूँ कि
भूलेर आफूलाई नै, हजुर मै हराऊँ कि
न मान लाज यस्तरी, कि अड्छ ढुकढुकी मेरो
नआऊ सामु यस्तरी
युवती-
यो बैँसमा बतासिदै, नआऊ न आकासिदै
के थाह भोलि कल्पिई, रुनु छ कि निसासिँदै
नआऊ सामु यस्तरी, कि झुम्छ जिन्दगी मेरो
नमान लाज यस्तरी
युवक -
यता उता नशा छरौँ, मीठा मीठा कुरा गरौँ
कि हामी एक अर्काको, नगिच मै जिऔँ मरौँ
नमान लाज यस्तरी, कि अड्छ ढुकढुकी मेरो
नआऊ सामु यस्तरी
युवती-
जतन गरेको दिल मेरो, नटिप है यो फूल मेरो
म प्रेममा डराउँछु, हुने हो कि यो भूल मेरो
नआऊ सामू यस्तरी,
दुबै-
कि झुम्छ जिन्दगी मेरो
कि अड्छ ढुकढुकी मेरो,
कि झुम्छ जिन्दगी मेरो,
कि अड्छ ढुकढुकी मेरो
नआऊ सामू यस्तरी
नमान लाज यस्तरी
