यौ एत्तेक बात मोतीराम सुनैय / मैथिली लोकगीत

मैथिली लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

यौ एत्तेक बात मोतीराम सुनैय
हा तकर जबाब मोती दुलरा करैय
सुनऽ हौ सुन लय राजा दरबी
राजा महिसौथामे घर हमर लगै छै
हा तीन भाइ भइचारी लगै छै
सबस जेठ सलहेस नरूपिया
हा जिनको से छोट आइ मोती दुलरूआ
हमर नाम मोती से पड़ि गेल
हमरा जे छोट जे बौआ बुधेसर
सबस छोट बहिन बनसप्ति
बहिन बसैय सतखोलियामे
हौ अपन ब्याह है एहिठाम करैबैय
अपने ब्याह कारण अगुआ भेजलियै
केना नइ दिन हौ राजा मनलीयै
केना यौ बान्हि बनिसार राजा देलहक।
हाँ जहिना बान्हि बनिसार राजा देलह
आ तहिना आइ बान्हि तोरा राजा दयबैय हौ।।
हौ एत्तेक बात मोतीराम कहै छै
तरबा लहरि आइ राजा के चढ़लै
खड़े डाँट जे राजा डँटै छै
सुनऽ सुनऽ हौ बाट बटोही
जान के काज आइ तोरा लगै छह
हा भागि तऽ तीसीपुर से जइयौ
नै तऽ बान्हि तऽ बनिसार तोरा दइबह हौ।