भारत की संस्कृति के लिए... भाषा की उन्नति के लिए... साहित्य के प्रसार के लिए
कंकाल / नवीन निकुंज
Kavita Kosh से
Rahul Shivay (चर्चा | योगदान) द्वारा परिवर्तित 08:10, 12 अगस्त 2016 का अवतरण ('{{KKGlobal}} {{KKRachna |रचनाकार=नवीन निकुंज |अनुवादक= |संग्रह=जरि...' के साथ नया पृष्ठ बनाया)
धरती रोॅ आकाश तलक
उड़तै खली धुइयाँ हो
कोय नै बचतै देखै लेॅ
श्मशाने रं दुनियाँ हो ।
मारियो केॅ तेॅ मरै लेॅ पड़तै
कहिनें बम केॅ बनावै छै ?
है फुललोॅ फुलवारी केॅ
कहिनें कोय उजाड़ै छै ?
प्रेमोॅ केरोॅ गाछ रोपलियै
फल आबेॅ बौरावै छै
है मुँहझौसा पछिया नें तेॅ
सौंसे गाछ जरावै छै ।
आकाशोॅ मेॅ राॅकेट लड़तै
जहर हवा मेॅ घुलतै हो
पानी लेॅ प्राणी के प्राण
छटपटाय केॅ मरतै हो ।
लोरोॅ सेॅ भिंजलोॅ अँचरा मेॅ
बुतरु सिनी बिलखतै हो
तेसरोॅ विश्वयुद्ध जे ऐतै
दुनियाँ धू-धू जरतै हो ।
इखनी बम के घूर लगाबोॅ
आरो तापोॅ भइया हो
जललोॅ जाय छौं लुत्ती सेॅ घर
चेतबा आबेॅ कहिया हो ?
