कंहिं खे चवंदें, केरु मञींदो! / अर्जुन हासिद

कंहिं खे चवंदें, केरु मञींदो!
जंहिं खे चवंदें, मुंहुं फेरींदो!

कहिड़ी तुंहिंजी हालत थींदी,
जे तोखे सॾु केरु न ॾींदो!

हर को इअं लाचार थी पवंदो,
पंहिंजनि टहकनि खे छिड़िॿींदो!

ज़ोर जु़ल्म, ख़ुद दांहं-कूक सां,
मनु आरींदो, सचु ॻोल्हींदो!

शहर, घिटीअ, घर जो सन्नाटो,
नाजु़क स्वासनि खे ज़रबींदो!

उभ खे बाहि लॻाए हाणे,
माण्हू पाणीअ खे चीरींदो!

हथ जोड़े जे हलंदें हासिद,
तोखे लाइक़ केरु सॾींदो!