तुंहिंजो आवाज़ छुहण जे ख़ातिर! / अर्जुन हासिद

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अर्जुन हासिद » मोॻो »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तुंहिंजो आवाज़ छुहण जे ख़ातिर!
नांउ पुछंदुसि त पुछण जे ख़ातिर!

तुंहिंजे भरिसां ऐं गॾो-गॾु वेहंदुसि,
तोखे धारियो बि लॻुण जे ख़ातिर!

तुंहिंजे उधमनि खे पढ़णु चाहींदुसि,
तोखे लफ़्ज़नि में लिखण जे ख़ातिर!

शांत खे केॾी हुजे थी सुरहाणि,
कंहिंजे स्वासनि में रहण जे ख़ातिर!

मन जे आॻुर में अञा पुणि उल्झनि,
के न के ख़्वाब लहण जे ख़ातिर!

जे़हन ॾिसिणो आ, जिते पहुचाए,
तोसां विख-विख ते रुलण जे ख़ातिर!

रात हासिद का नसीबनि में किथे,
तुंहिंजी आहट का ॿुधण जे ख़ातिर!