भारत की संस्कृति के लिए... भाषा की उन्नति के लिए... साहित्य के प्रसार के लिए
पाण खां परभरो रिढ़ी वेठुसि! / अर्जुन हासिद
Kavita Kosh से
Lalit Kumar (चर्चा | योगदान) द्वारा परिवर्तित 23:25, 22 अगस्त 2016 का अवतरण ('{{KKGlobal}} {{KKRachna |रचनाकार=अर्जुन हासिद |अनुवादक= |संग्रह=मो...' के साथ नया पृष्ठ बनाया)
पाण खां परभरो रिढ़ी वेठुसि!
पंहिंजे पाछे खां दूर थी वेठुसि!
छांव में उस ॾिसणु न थे चाहियमि,
वक्त जी लहस खां सुरी वेठुसि!
केॾी सुस-पुस कई इशा इशारानि थे,
सिर्फ़ हिकु मां ई बुत बणी वेठुसि!
मुंहं में साॻियो उहो ई घुंज हुओ,
पर लॻो, मन ई मन खिली वेठुसि!
कुझ थे चाहियुमि चवणु वॾे वाके,
पर थी मजबूर, कुझ लिखी वेठुसि!
बेहसी कंहिं बि फ़न जो वडु कोन्हे,
मूंखे कुर्सी मिली वञी वेठुसि!
केॾा फोटा, गुलनि जूं माल्हाऊं
मां बि हासिद उते अची वेठुसि!
