भारत की संस्कृति के लिए... भाषा की उन्नति के लिए... साहित्य के प्रसार के लिए
गाछी में / सुधीर कुमार 'प्रोग्रामर'
Kavita Kosh से
Rahul Shivay (चर्चा | योगदान) द्वारा परिवर्तित 23:02, 15 सितम्बर 2016 का अवतरण ('{{KKGlobal}} {{KKRachna |रचनाकार=सुधीर कुमार 'प्रोग्रामर' |अनुवादक...' के साथ नया पृष्ठ बनाया)
पत्ता फूल हजार भरल छै तुलसी के गाछी में।
जीयै के रसधार फरल छै तुलसी के गाछी में।
आस-पास के तुलसी-चैरा, घर-घर के रखबारी
दीप-षिखा सासों के बरल छै तुलसी के गाछी में।
देव धरा पर लानै लेली तुलसी दोल चढ़ाबै छै
तभीये ते सिन्दूर करल छै तुलसी के गाछी में।
रोग-षोक में माथ झुकाबो, मनचाहा फल पाबो
कत्ते रोग-बतास डरल छै तुलसी के गाछी में।
तुलसी आक्सीजन के जननी, सबके मान बराबर
नफरत के अभिमान जरल छै तुलसी के गाछी में।
नै बरसा नै जोत कोड़ के, रोजे-रोज झमेला
अनुभव के संसार धरल छै तुलसी के गाछी में।
