भावोॅ के भुखलोॅ हम्में छी / रामधारी सिंह 'काव्यतीर्थ'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रामधारी सिंह 'काव्यतीर्थ' » ज्ञान-गिरा »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

भावोॅ के भुखलोॅ हम्में छी भावे एक सार छै
भावोॅ सें हमरा भजेॅ तेॅ भावोॅ सेॅ बेड़ा पार छै

भाव बिना जों कोय पुकारेॅ हम्में ऊ नै सुनै छी
भाव भक्ति के टेर सुनी केॅ भगवन लाचार होय छै

भाव बिना जों सब कुछ दीयेॅ हम्में कहियोॅ ने लै छौं
हमरोॅ वश में जो हाय जाय, तेॅ यहेॅ हमरोॅ सत्कार छै

हमरा में जे भाव रखी केॅ आवै छै हमरोॅ शरण
वोकरोॅ आरो हमरोॅ हिरदय के रहतौं एक्के तार छै

जोन जनों में भाव नै छै वोकरोॅ हमरा चिंता नै
भाव वाला भक्तों के भरपूर हमरा पर भार छै

बांधी लै छै भक्तें हमरा परेम के जंजीर में
यही वास्तें हमरोॅ होय छै यै भूमि पर अवतार छै।