भारत की संस्कृति के लिए... भाषा की उन्नति के लिए... साहित्य के प्रसार के लिए
बिना उनवान-1 / ईश्वर आँचल
Kavita Kosh से
Lalit Kumar (चर्चा | योगदान) द्वारा परिवर्तित 01:30, 24 सितम्बर 2016 का अवतरण ('{{KKGlobal}} {{KKRachna |रचनाकार=ईश्वर आँचल |अनुवादक= |संग्रह= }} {{KKCatKav...' के साथ नया पृष्ठ बनाया)
छा छा, मूं न चयो मां आहियां!
छा छा, मूं न चयो मां बणिबुसि!
कूड़ ठॻीअ, दोलाब जे घोड़नि,
हस्तीअ जे रथ खे काहियो पिए!
धन जी विरती
मध में मस्त थी, हाथीअ वांगुरु डुकन्दे,
नेठि किरी ख़ाहीअ में;
रत में लथ-पथ ऐं साणी थी,
मरणींग पई आ!
धनु ऐं मानु किथे आहिनि अजु?
सामुहूं बसि अंधकारु घोरु आ;
अॻितां मौत जी ऊन्ही खाही,
पुठियां माज़ीअ जो बेरहम हथोड़ो,
हाल मथां डप जी परछाई!
मथां खुलियलु आकासु ॾिसण जी,
वेल किथे आ?
धरतीअ जी छातीअ ते लेकिनि,
खेमे खोड़ण जी मुंहिंजी
कोशिश जारी आहे!
जंहिं धरतीअ ते
पेर संदमि मज़बूत खड़ा हुआ;
उन ते बिहन्दे, अजु/ मुंहिंजो बुतु
कंबी रहियो आ!
