भारत की संस्कृति के लिए... भाषा की उन्नति के लिए... साहित्य के प्रसार के लिए
चाँदनी लजाय गेलै / शिवनारायण / अमरेन्द्र
Kavita Kosh से
Lalit Kumar (चर्चा | योगदान) द्वारा परिवर्तित 02:38, 27 सितम्बर 2016 का अवतरण ('{{KKGlobal}} {{KKRachna |रचनाकार=शिवनारायण |अनुवादक=अमरेन्द्र |सं...' के साथ नया पृष्ठ बनाया)
देखलिचै
पिछुलका छज्जा रोॅ एक कोण्टा में
सिर पटकी रहलोॅ छै एक मुट्ठी चाँदनी
आरो ओकरा देखतें
ठगली रं ठाड़ी छै
सरङगोॅ पर आदिम याद।
आय फेनू/हवा भरी भै गेलोॅ छै
सालो पुरानोॅ गन्ध में
कि भरखर राती के/दूधिया उजास में
दू मनहर नर-मादा वाला छवि
आपस में बतियैतें रहेॅ
सौंसे दुनियां सें अजान
तबेॅ पलाश आरो अमलतास के
पुष्पवर्षा में भींगयोॅ/बनाय दै छै काठ
ऊ सृष्टि के एक क्षण लेली।
कि तखनिये मेघदंश सें
चोटैलोॅ चाँद जाय गिरै छै झाड़ी में
शायत् चाँदनी लजाय गेलै
याद भरमाय गेलै।
