भारत की संस्कृति के लिए... भाषा की उन्नति के लिए... साहित्य के प्रसार के लिए
हू उते ई हुआ / कृशिन राही
Kavita Kosh से
Lalit Kumar (चर्चा | योगदान) द्वारा परिवर्तित 03:34, 27 सितम्बर 2016 का अवतरण ('{{KKGlobal}} {{KKRachna |रचनाकार=कृशिन राही |अनुवादक= |संग्रह= }} {{KKCatSin...' के साथ नया पृष्ठ बनाया)
हू उते ई हुआ
घणोई चयोमानि:
हलो, अॻिते हलो!!
हीअ असांजी मंज़िल नाहे
पर हू न हलिया
ऐं उते ई रहिया!
हू उते ई हुआ
पर बिल्कुल बदिलिजी विया हुआ!
ज़मीन ते पंहिंजा घर डाहे
हुननि
आसमान में मकान अॾिया हुआ!
लखनि ते लेटी
किरोड़नि ते कुॾी
हू अरबनि ते उॾामी रहिया हुआ!
सोनु खाई चांदी पी रहिया हुआ!
ऐं पैसे जी हवा ते जी रहिया हुआ
हू उते ई हुआ!
पर
पंहिंजी सुञाणप विञाए चुका हुआ
हिक पंहिंजी ॿोली छॾे
बियूं कएं ॿोलियूं सिखी विया हुआ!
एं पंहिंजो विरसो विसारे
ॿियनि खां पिनी
पाण ते उतारे रहिया हुआ
हू उते ई आहिनि
पंहिंजो माज़ी मारे
मुस्तक़बिल ॾे न निहारे
पैसे खां सिवाइ ॿियो सभु कुझु विसारे
पंहिंजो हालु संवारे रहिया आहिनि
ऐं इज़्ज़तदार लॻण लाइ
पंहिंजो पाण खे
इनाम ऐं खि़ताब
ॾेई ऐं ॾियारे रहिया आहिनि।
