भारत की संस्कृति के लिए... भाषा की उन्नति के लिए... साहित्य के प्रसार के लिए
मां सरगसि जे विच में आहियां / अनन्द खेमाणी
Kavita Kosh से
Lalit Kumar (चर्चा | योगदान) द्वारा परिवर्तित 03:46, 27 सितम्बर 2016 का अवतरण
मां सरगसि जे विच में आहियां
कंहिं उसूली ॻाल्हि खे खणी
उन जे फ्रन्ट में शामिल थियो होसि
पंहिंजे तिखे रद अमल तौर।
लेकिन अगु ऐं पोइ
जे भीड़ में
मुंहिंजी जॻहि
विच में रहिजी वेई
अगु उहे हुआ
जिनि खे बद मिज़ाज गोलियूं बि
शहादत
ॾियण खां क़ासर हुयूं
ऐं आखि़र में उहे ‘वफ़ादार’ हुआ
जे सहूलियत सां
भॼी सघिया थे
महज़ इत्तिफ़ाकु हो
जो उन ॾींहुं
गोली न हली,
वरना
मां भाड़े जे टटुनि
सां गडु
उसूलनि सूधो
भुनजी वञां हां
असां जे
अर्थियुनि खे
सींगारियो वञे हा
अख़बारुनि जूं सुर्खि़यूं
वॾियूं थी वञनि हा
नेताउनि जे भाषण में
ज्वालामुखी फाटे हा
सरकार ॾकी उथे हा
ऐं असांजे वजूद सां
गडु
इहा हक़ीक़त बि
दफ़नजी वञ
हा त
अक्सर मरण वारंनि जी हासिलात
ॿ या चार रुपया हुई।
