भारत की संस्कृति के लिए... भाषा की उन्नति के लिए... साहित्य के प्रसार के लिए
इतिहासिक वेसाहघाती / हरीकान्त
Kavita Kosh से
Lalit Kumar (चर्चा | योगदान) द्वारा परिवर्तित 22:18, 27 सितम्बर 2016 का अवतरण ('{{KKGlobal}} {{KKRachna |रचनाकार=हरीकान्त |अनुवादक= |संग्रह= }} {{KKCatSindhiR...' के साथ नया पृष्ठ बनाया)
सिंधूअ में गोता हणी
जमुना में वञी प्रघटिया
दूल्ह दरियाह शाह सां दग़ा करण वारनि खे
ॿि-मुंहों चइजे या कार-मुंहों
मुंझी पियो आहियां।
मां मुंझी पियो आहियां
पंहिंजे समे जे इतिहास ते
लथे पथे हलालियुनि
ऐं हरामियुनि जे
अछनि कारनि कारनामनि जो
कचो चिठो थीन्दो आहे इतिहासु
लेकिन मुंहिंजो बाबु
भरियो पियो आहे
ओट-मोट हरामियुनि जे
सफ़ेद हरामखोरियुनि सां
शब्दकोश जा सभु लफ़ंगा लफ़्ज़
खलास करण खां पोइ
मुकम्मल कोन थी सघन्दो इतिहासु
इतिहासिक वेसाहघातीअ जो
महिरबान थियो जेकॾहिं वक़्तु
ईन्दड़ नसुल ते
क़बरुनि मां ॻोल्हे कढन्दो
ऐं उघाड़ो कन्दो उन्हनि खे
पूॼा कराए विया जेके पंहिंजी
चौवाटनि ते पुतला पोखाराए
साज़िशी हालतुनि हेठि
हिक मुकम्मल जातीअ जी
(अहिंसक)
हत्या करण खां पोइ बि।
