भारत की संस्कृति के लिए... भाषा की उन्नति के लिए... साहित्य के प्रसार के लिए
अश्वत्थामी पीड़ा / जयन्त रेलवाणी
Kavita Kosh से
Lalit Kumar (चर्चा | योगदान) द्वारा परिवर्तित 06:24, 1 अक्टूबर 2016 का अवतरण ('{{KKGlobal}} {{KKRachna |रचनाकार=जयन्त रेलवाणी |अनुवादक= |संग्रह= }} {...' के साथ नया पृष्ठ बनाया)
मुंहिंजे मनोॿल खे उखेड़ण ऐं
मुंहिंजे आतम अन्दर उकिरियल
सच खे धोॾण लाइ
अध सच जो नतीजो
ॾिठो न तो हे कृष्ण?
जो, मुंहिंजे अन्दर में समायल
सच जे गर्भपात
ऐं उत्तरा जे गर्भ घात
तब्दीले छॾियो सभु शून्य में!
तुंहिंजो सिरापी वरदानु,
मूं स्वीकारे वरितो हो,
अमर बणिजण लाइ!
युगे युगे, तुंहिंजे अवतार जे
बावजूद
युगे युगे पीड़ा में तब्दील थियलु-
मां अश्वत्थामा, युगनि युगनि खां
कोटी कोटी आत्माउनि मथां
अमर बणिजी, छांयलु रहियो आहियां!
तो ॾिनल अमरता जो सिरापु
स्वरूप बदिले
घट घट में फहलजी वियो आहे
पीड़ा बणिजी!
केरु हो गुनहगारु हे कृष्ण?
अध-सच खे लिकाईन्दडु
को ैव दृब्ंससमक सचियारु?
किनि सच जे विञाइण जे दुख में
विफलन्दड़
हर जीव खे
दुख में विफलाईन्दड़
का सिराप पातल
अमर आत्मा?
केरु बणियो अमर?
घट घट वासी सॾाईन्दड़ कृष्ण
कि न घट घट में फहलियल
अश्वत्थामी पीड़ा?
