भारत की संस्कृति के लिए... भाषा की उन्नति के लिए... साहित्य के प्रसार के लिए
कारे शुक्रवार जे सूरज खे / जयन्त रेलवाणी
Kavita Kosh से
Lalit Kumar (चर्चा | योगदान) द्वारा परिवर्तित 06:24, 1 अक्टूबर 2016 का अवतरण ('{{KKGlobal}} {{KKRachna |रचनाकार=जयन्त रेलवाणी |अनुवादक= |संग्रह= }} {...' के साथ नया पृष्ठ बनाया)
जयद्रथ वध जियां
उभिरियो हो अजु सूरजु
घनघोर ऊंदाहीअ बाद
चिमकाट कन्दे
रथ-भीनी ॼिभ पखेड़ी!
पर, उन रोशनीअ मंझि जे
कारे शुक्रवार
मातमु फहलायो हो पांडवनि में!
न रहियो हो भेदु को
सेनापतीअ जो, न सैनिक जो,
न अमीर जो, न ग़रीब जो,
न ज़ईफ़ जो, न जुवान जो,
ऐं न वरी अबहम जो
नएं मिलेनियम जे
पहिरिएं परजा सताक ते
ॻाया हा असां त
तुंहिंजा ही लाॾा बाबल
सारे जहां से अच्छा जा
तुंहिंजा ई स्तुती गीत
तंहिंजे ई शक्तीअ जी उपासना
तुंहिंजे ई गौरव जी गूंज
हे 26 जनवरीअ जा सूरज
उभिरण सां तोखे
एतिरी उभिरी उञ
जो पीतइ
ढुक...ढुक...ढुक...अनहद ढुकु
से बि रत-भिना!
