भारत की संस्कृति के लिए... भाषा की उन्नति के लिए... साहित्य के प्रसार के लिए
ख़ाली माचीसु / विश्नू भाटिया
Kavita Kosh से
Lalit Kumar (चर्चा | योगदान) द्वारा परिवर्तित 17:05, 1 अक्टूबर 2016 का अवतरण ('{{KKGlobal}} {{KKRachna |रचनाकार=विश्नू भाटिया |अनुवादक= |संग्रह= }} {...' के साथ नया पृष्ठ बनाया)
लफ़्ज़नि जे टांडनि ते हथ सेकीन्दे
वीचारनि जी थधि खां बचण लाइ
मूं सरीर खे सरीर सां
छॾियो उलझाए
तमाम आहटूं
रहियूं बेहोश
होश अचण ते
मूं पंहिंजी पाण तलाशी वरिती
सरीरु त सलामत हो
सिगरेट ख़लास हुआ
मूं तीली ॿारी
अन्धेरे खे चीरण लाइ
खंई काराई
पर ब्लेडु मुॾो हो।
सुम्ही रहु!
मूं अखियूं बन्द कयूं
मूं गरमाइश खां
बचण लाइ खोलियो सरीरु
मां झुकी पाण खे लगुसि
ॻोल्हण, मूं डप ऐं हिरास
खे किलीअ ते छॾियो हो टंगे
मां हुउसि निश्चिन्त
लफ़्जनि जा टांडा विसामी चुका हुआ।
मां अजायो सरीरु सेकण लाइ
करे रहियो होसि कोशिश
माचीसु ख़ाली हो।
