खुलेआम घुमन्दड़ लाश / वीना शृंगी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

वीना शृंगी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अजु मुंहिंजो आदर्शु बुज़दिल बणी
मुंहिंजे रूह में वञी
पनाह वरती आहे।
इनसाननि जे रूप में हैवाननि
सचाई ऐं माण्हपे जो मासु
इअं कोरे कढियो आहे
जीअं मिस्त्र जे पिरइमिड जे
ममियुनि मां गांश्तु कोरे कढे
सदियुनि ताईं लाशनि खे
महफू़ज़ करे छॾियो आ
अजु सचाईअ ऐं आदर्शनि सतें आसमान ते
पनाह लाइ दरु खुड़कायो आ
माण्हपे जा कोरे कढियल
ही बेजान ऐं बेईमान
इनसानी बुतनि जा ज़िंदा लाश,
खू़बसूरत कफ़न ओढे
अजु खुलेआम बाज़ारुनि में घुमी रहिया आहिनि
मुंहिंजो आदर्शु वर वर करे मूंखे
इल्तजा कन्दो आहे,
ज़बान तां हटाइण खां पोइ
पंहिंजे रूह मां न तड़े कढिजांइ

खेसि पंहिंजे वजूद जो
ख़ौफ आहे त...
किथे खेसि उहे बेआबरू ऐं बेपरदा
करे सरे आम नीलाम न कनि...!