भारत की संस्कृति के लिए... भाषा की उन्नति के लिए... साहित्य के प्रसार के लिए
अखरनि खे न समुझु सवलो / अरुण ॿाॿाणी
Kavita Kosh से
Lalit Kumar (चर्चा | योगदान) द्वारा परिवर्तित 22:23, 1 अक्टूबर 2016 का अवतरण ('{{KKGlobal}} {{KKRachna |रचनाकार= |अनुवादक= |संग्रह= }} {{KKCatSindhiRachna}} <poem> अखर...' के साथ नया पृष्ठ बनाया)
अखरनि खे न समुझु सवलो,
अखर ॾाढा डुखिया आहिनि,
अखरनि सां न रांदि करि
अखर तो ते निरभर आहिनि
या त हू मंदर ठाहिनि
या त नालियुनि में वहनि
हिननि में अमृत बि वरसे
हिननि में कॾहिं त तेज़ाबु वहे
हिननि में या त ॾाढी खुशबू
या वरी किचिरे जी बूइ
अखरनि सां न रांदि करि
अखर तो ते निरभर आहिनि।
अखरनि मां था ठहनि वचन
अखरनिमां था थियनि ज़ख़म
अखरनि में आहिनि भरियल ख़याल
अखरनि में जा शक्ती आ
सा भस्म करे वेन्दी आ
या अमर करे वेन्दी आ
अखरनि मां था गीत ठहनि
या वरी ठहनि थियूं गारियूं।
अखरनि में आ सोच वॾी
या अखरनि में आ बेहोशी
अखरनि में कूड़ पसीने जो
अखरनि में खिलन्दड़ सचाई
अखरनि खे न समुझु सवलो
अखर ॾाढा डुखिया आहिनि
अखरनि सां न रांदि करि
अखर तो ते निरभर आहिनि!
