भारत की संस्कृति के लिए... भाषा की उन्नति के लिए... साहित्य के प्रसार के लिए
जंगि / मोहन हिमथाणी
Kavita Kosh से
Lalit Kumar (चर्चा | योगदान) द्वारा परिवर्तित 22:51, 1 अक्टूबर 2016 का अवतरण ('{{KKGlobal}} {{KKRachna |रचनाकार=मोहन हिमथाणी |अनुवादक= |संग्रह= }} {{KK...' के साथ नया पृष्ठ बनाया)
जंगि यानी हिक माण्हूअ जी
महत्वाकांक्षा, महामानवु
महा पुरुषु या
आम माण्हूअ जो भॻवान बणिजण जी जंगि
धर्म या सचाईअ जी स्थापना लाइ हुजे
या दुनिया ते हुकूमत करण जे
इरादनि सां
आहे त
माण्हूअ खि़लाफ़
माण्हूअ जी जंगि
जेका छॾे वेन्दी सिर्फ़
रतो छाण क़तल-ए आम तबाही
हिक बीमार लाचार पीढ़ी
जंहिं खे बीहण लाइ
पंहिंजा पेर न हून्दा
हथिनि में ताक़त न हून्दी
जिस्मु वक़्त खां अगु
बेदम बेनूर हून्दो
सोच करप्ट ऐं गु़लाम हून्दी
अहिड़े ग़लाज़ती आबोहवा में
पलजन्दड़ पीढ़ी
माण्हुनि बदिरां जनमु ॾीन्दी
अहिड़े नसुल खे जेका
चूसीन्दी सिर्फ़ हिक ॿिए जो रतु ऐं
फलजन्दी फूलजन्दी
हिक आदमख़ोर सभ्यता।
तॾहिं बि शायद
माण्हूअ जी ईश्वरु बणिजण जी
लालसा पूरी न थिए।
जेको इन आकांक्षा सां
हिन धरतीअ ते आयो आहे
आखि़रकार
हिन धरतीअ में ई समायो आहे।
