राॻु को रूहखे छुहे ई नथो / एम. कमल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

एम. कमल » बाहि जा वारिस »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

राॻु को रूहखे छुहे ई नथो।
सोच खां जीउ परे सुरे ई नथो॥

वक्त जी आस भी थी असर खे रोए।
लुड़िकु अखि जो, अला सुके ई नथो॥

एॾी वसन्दी हिते थी वेई आ।
जो कोई कंहिंजो सॾु ॿुधे ई नथो॥

शहर जी ॼिभ को वियो हिरासु चटे।
हलु-हलां में को कुछु छुले ई नथो॥

कंहिं न कंहिं वहम जो मरीज़ आहे।
आदमी अन्ध खां छुटे ई नथो॥

जाॻ पत्थर हणी हणी बीठी।
ख़्वाब जो शीशो पर टुटे ई नथो॥

सभु था अफ़सोसु कनि किरियल घर ते।
किथे रहंदें कोई पुछे ई नथो॥

दिल सां झेड़ो ई तुंहिंजीअ ॻाल्हि ते आ।
ठाह जो रस्तो को सुझे ई नथो॥

हर्फ़ ॾाढा हसीन चूंडिया थमि।
शइरु लेकिन कमल जुड़े ई नथो॥