भारत की संस्कृति के लिए... भाषा की उन्नति के लिए... साहित्य के प्रसार के लिए
कृष्ण भएछु / मनप्रसाद सुब्बा
Kavita Kosh से
Sirjanbindu (चर्चा | योगदान) द्वारा परिवर्तित 09:27, 22 नवम्बर 2016 का अवतरण ('{{KKGlobal}} {{KKRachna |रचनाकार=मनप्रसाद सुब्बा |अनुवादक= |संग्रह...' के साथ नया पृष्ठ बनाया)
१. म
जाबो एक गोठालो त थिएँ नि गाउँमा।
बाँसुरी बजाउँदै गाइगोरू चराउँथें
एकलै।
अनि एक दिन राधा
खेताला जाँदाजाँदै
मेरो बाँसुरीधुन सुन्न उभिन्।
त्यै दिनदेखि म त
कृष्ण भएछु !
२. म
यौटा मिथकको पात्र मात्रै थिएँ
शब्दहरूको चाबीले चल्मलाउने
शब्दलीलाद्वारा खेलाइने।
तर जब मीरा मकहाँ
एकतारे बजाउँदै गाउँदै आइन्
त्यै दिनदेखि म त
हाड्मासुले बनिएको
कृष्ण भएछु !
