जोखिमकै छातीमा / मनप्रसाद सुब्बा

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

मनप्रसाद सुब्बा » नेत्तिफुङ्को बास्न»

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

जोखिमसित जुझ्न सक्ने
एक छाती आँटको पहरामा नै
फुटिनिस्किन्छ सृष्टिको सेक्मुरी फूल
चुनौतीहरूसित पौंठेजोरी खेल्न सक्ने
एक पाखुरी हिम्मतको डाँडामा नै
लुङ्दर फर्फराउँछ प्रेम

कायरहरू खेल्न सक्तैनन् संवेदनाको यो सृष्टिखेल

जीवनका अटुट नयाँ नयाँ प्याटर्नहरू
संवेदनाको कलाइडस्कोपमा बाँचिरहन्छु

एक दिनभरिको यो
या ∆ ∆ ∆ त्रा
एम्बुश / एम्बुश / एम्बुश । ठाउँठाँवै !
तर बासी सुरक्षाको जूभित्र हाइ काढ्दै बसिरहनु
र खतराको बर्खे र्याफ्टिङ खेल्नुमा
कुन बढी जीवनमय हुन्छ, ऐले बुझ्दैछु

चुनौतीका चुचुराहरू साउती गर्छन्
आँटिला आँखाहरूलाई मात्र

रागिनी,
आज जोखिमकै छातीमा फुलिदिएको छ
हाम्रो संवेदनाको सेक्मुरी फूल !

---

सेक्मुरी : लिम्बु मुन्धुम अनुसार जीवनबोधी फूल।