भारत की संस्कृति के लिए... भाषा की उन्नति के लिए... साहित्य के प्रसार के लिए
बररूपा बस्ती / रूप रूप प्रतिरूप / सुमन सूरो
Kavita Kosh से
Sharda suman (चर्चा | योगदान) द्वारा परिवर्तित 16:00, 30 नवम्बर 2016 का अवतरण ('{{KKGlobal}} {{KKRachna |रचनाकार=सुमन सूरो |अनुवादक= |संग्रह=रूप रू...' के साथ नया पृष्ठ बनाया)
लाल माँटी वाला यै छोटोॅ रं बस्ती में
बारोॅ रं लोग छै!
एक टा पछियारा के पक्का के घोॅर
खण्डोॅ के साफड़ी में ऐलोॅ छै फोॅर
बच्चा के तोड़ छै, जोगबारोॅ जोड़ छै
साफड़ी के फोॅर की? मङनी में लिखलोॅ नै पत्ता के भोग छै!
दस टा सौंतारोॅ के बड़का बहियार
दुनियाँ के बास्ते छै खुल्ला दरबार
घर-ऐङनोॅ खाली छै, बिस्टी के लाली छै
सब बच्चा-बुढ़बा में तय्यो खुशियाली के अनटेटलोॅ जोग छै!
यै तरफों बसलोॅ छै भुइयाँ-कहार
वै तरफों धोबी आ नौवा-कुम्हार
एक पोखर बढ़ियाँ छै, दस टा गूगड़िया छै
भाँग-गाँजा-दारू के सौंसे टा बस्ती में मस्ती के रोग छै!
कोन जूग-जूगोॅ सें होलोॅ छै मेल?
कहिया सें साथें छै एतना बेमेल?
कोय नी बताबै छै, बस चल्लोॅ आबै छै
नेहोॅ में डूबै लेॅ, घिरना सें ऊबै लेॅ, लोगोॅ पर लोग छै!
