भारत की संस्कृति के लिए... भाषा की उन्नति के लिए... साहित्य के प्रसार के लिए
भोजपुरिया / हर्षनाथ पाण्डेय
Kavita Kosh से
Sharda suman (चर्चा | योगदान) द्वारा परिवर्तित 16:00, 23 जनवरी 2017 का अवतरण ('{{KKGlobal}} {{KKRachna |रचनाकार=हर्षनाथ पाण्डेय |अनुवादक= |संग्रह...' के साथ नया पृष्ठ बनाया)
चिन्हियां बा कान्हि पऽ कुदरिया
त्त भारत के परान भोजपुरिया
होतहीं फजिरवा सिवानवां प लऊके
अनवां से भरल बधरिया बा छऊके
हाथवा में ललकी लउरिया
त्त भारत के जान भोजपुरिया
चिन्हियां बा...
अंगे‐ अंगे बडूए उफान के समानवां
छतिया छरके जइसे नागवा क फनवां
सीमवां प लेलेबा बनूकिया
त्त भारत के शान भोजपुरिया
चिन्हियां बा...
माथवा पगरिया साबुज रंग देहियां
रगे‐रगे बसल धरतिया के नेहिया
चलिया बा उफने जवनियां
त्त भारत के आन भोजपुरिया
चिन्हियां बा...
चनवां नहाएला चननियां इंजोरिया
संगवा में बाडी हो सेजरिया कऽ गोरिया
अंखिया बा पाजल कटरिया
त्त सिंहवा समान भोजपुरिया
चिन्हियां बा कान्हि पऽ कुदरिया
उत्तर भारत के परान भोजपुरिया
