पेटू चूं-चूं / मीरा हिंगोराणी

हिकड़ी झिरकी सुद्यड़ सियाणी,
वेही वण ते करे पेई,
बारनि जी निगरानी।

हिक ॾीहुं आंदई दाल जो दाणों
हुयो नंडिड़ो चूं चूं ॿचड़ो
पेटु नभरियो चूं-चूं जो,

पेटू चूंचू चोरीअ चोरीअ,
आयो आखेरे खां बाहिर,
भरियां पेटु खावां चिवड़ो,
हुयो अकुल में अकाबरु!

हणी झपटो चम्बीन में
खणी चूंचू बाजु ऊॾाणों,
अम्मा-अम्मा चवंदे-चवंदे,
खूब रुनो चूं चूं बेचारो!

रखिजो ॻालिह याद ॿारो,
लालच बुरी बला आ ॿारो!