भारत की संस्कृति के लिए... भाषा की उन्नति के लिए... साहित्य के प्रसार के लिए
इन्सानी हकु / अमुल चैनलाल आहूजा ‘रहिमी’
Kavita Kosh से
Lalit Kumar (चर्चा | योगदान) द्वारा परिवर्तित 16:45, 3 फ़रवरी 2017 का अवतरण ('{{KKGlobal}} {{KKRachna |रचनाकार=अमुल चैनलाल आहूजा 'रहिमी' |अनुवाद...' के साथ नया पृष्ठ बनाया)
सुर्ग ऐं नर्क विचमें
सदियुनि खां आहे, जा दीवार
हाण उन खे डाहे पटि करण जो कयो पियो वञे वीचारु
चयो पियो वञे
इन्सानी हक़नि जी भञकड़ी कई वेई आहे
सुर्ग ऐं नर्क जो विरहाङो वाजबु न आहे
इहो सरहद जे हिन ऐं हुन भर जो सुवान न आहे
पर
पुरे संसार जी ॻाल्हि आहे
ॿुधजे थो
के साल अॻु
सुर्ग जो दरवाज़ो खोलियो वियो हो शायद भुल विचां
ऐं
पुलीस कंहिं बे ॾोहीअ जे पुठिया डंढो खणी
शायद कुझु छॾाइण लाइ काहे पेई हुजे
ऐं
बचाउ वास्ते हु लिकण जी कोशिश कंदा
सुर्ग अंदर दाखि़ल थी विया।
दाखि़ल थियलनि जो चवण आहे,
वीज़ाऊँ ऐं वीछा
ज़मीन ताईं महिदुद रहण घुरिजन
हेठ वारनि जी हुकुमतिन
ऐं
क़ाइदनि ते रोक लॻण घुरिजे
इन ते
इन्सानी हक़नि वारी कमीशन खे
ग़ौर न करण घुरिजे!?
