सलोक / लीला मामताणी
रुअंदे रुअंदे रातड़ियूं गुज़ारियमि केई
अचे कान अखड़ियुनि खे निंड संदी नेही
यादि करे पंहिंजे दिलबर खे रुआं पलंग पेही
अमड़ि मोकले लोली लाइ का ॾुखनि जी
सिक भरियां मुंहिंजा सुप्रीं मन वरी कर भेरो तूं
अची हिननि अखड़ियुनि में पंहिंजो ॾेरो कनि
सिक वारनि जो साईं को ख़्याल सवेरो कनि
बाबल भेरो कनि अची बांदी कढनि बंद मां
पंहिंजो करे छॾे वञण वाजिब तिनि नाहे
नेठि त पवंदनि ॿाझ का मूंखे पक आहे
जे पाण न ईंदा पिरीं त मां वेंदयसि उत काहे
पाए पांधि ॻिचीअ में पिरीं परचाईंदसि पंहिंजो
मिलां जोॻि अड़नि सां विया जोॻी जड़ लाए
रुआं छो न सरतियूं विया संगत फिटाए
उमेदूं अंदर जूं विया दिलि में दॿाए
बिना मोकलाए विया मुईअ खे उदास करे
कीअं मां पहुचां पार पिरींअ ॾे
तूं ही अची संभार मुंहिंजा यार
राति अंधारी दूर किनारो
ॿेड़ी पुराणी कोन्हे सहारो
साहिल पार उकार-मुंहिंजा यार
कीअं मां पहुचां पार पिरींअ ॾे
घंघोर घटा बिजली थी चिमके
बादल गर्जन साह थो सुकजे
छोलियुनि मों त छॾाइ-मुंहिंजा यार
कीअं मां पहुचां मार पिरींअ ॾे
बाहि बिरह जी अंदर में भड़के
राह आ मुश्किल दिलि पेई धड़के
तार मुंहिंजा अची तार-मुंहिंजा यार
कीअं मां पहुचां पार पिरींअ ॾे।।
