अठ ई वार अमर लाल जा / लीला मामताणी
ओरियमि अमर लाल खे आरतवार ॾींहुं अची।
मंदियूं मेटे मन जूं, सो शाहु अची।
तुंहिंजे रंग रची, आधार ॾीं अधीननि खे॥
सूमर:
ओरियमि अमर लाल खे सूमर ॾींहुं सारे।
अमर आसाउनि जा कार्ज थो संवारे।
लहरूं ऐं लोॾ लंघे तिख मंझां तारे।
विहंदे सकारे थो अमर आसाउनि जूं॥
मंगल :
ओरियमि अमर लाल खे मंगल ॾींहं मज़बूत
पघर जे पाणी थिया, वर ॾिसी ॾमरूत
चौरासीअ खे करतारु ॾीन्दो कूत
सिरु विहे साबूत, ऊंचे ऊंचा कोट॥
ॿुधर:
ओरियमि अमर लाल खे ॿुधर ॾींहंु ध्यानु धरे
भॼी ॾुख डू/र थिया, वियड़मि पाप तड़े
ओरे अचनि केतिरई, अमर लाल ॻढ़े
जिनि जी झड़ी मन में, अमर लाल पूरी तिनि करे॥
विस्पत:
ओरियमि अमर लाल खे विस्पत धरे वेसाहुं
विहे थो वजूद मूं सोढो सांवल शाहु
कन्दो भारीअ भाउ, अमरु आसाउनि ते॥
थारूं:
ओरियमि अमर लाल खे जोड़ जुमे करि याद
ॿीजूं ॿहिकनि अमर जूं, थियड़मि सुख करार
बहराणा बहरू जा, करि तूं चोॾस चंड रात
तिनि खे तकरारु आहे अमर ओॾिड़ो।
ओयिमि अमर लाल खे थारूंअ रात थान में
भट, ब्रह्मण मंगता, साधु शेवा कनि।
आरती अमर लाल खे, अची ॾीओ ॾियनि
जिनि जहिड़ी मन में, परस पुॼाए तनि॥
छंछर:
ओरियमि अमर लाल खे छंछर ॾींहु अची
अठ ई तिथियूं अमर जूं, सूंहंनि वार सत ई
धुकड़, दमामा, नग़ारा, वॼनि सत ई वार॥
लाल जा झाटी चओ सभई झूले लाल॥
आयो लाल, सभई चओ झूले लाल॥
