भारत की संस्कृति के लिए... भाषा की उन्नति के लिए... साहित्य के प्रसार के लिए
फेर्नुपर्ने संस्कार छ आफ्नो / ज्ञानुवाकर पौडेल
Kavita Kosh से
Sirjanbindu (चर्चा | योगदान) द्वारा परिवर्तित 16:26, 5 मार्च 2017 का अवतरण ('{{KKGlobal}} {{KKRachna |रचनाकार=ज्ञानुवाकर पौडेल |अनुवादक= |संग्...' के साथ नया पृष्ठ बनाया)
फेर्नुपर्ने संस्कार छ आफ्नो
नयाँ नौलो विचार छ आफ्नो ।
देखी सहँदैनन् जो अरूको प्रगति
उसलाई नि नमस्कार छ आफ्नो ।
नधाएर मन्दिर कहाँ जाऊँ म ?
बैगुनी सारा यार छ आफ्नो ।
जुधेदेखि फेरि नजर कसैसित
बिग्रेलाजस्तो घरबार छ आफ्नो ।
के हुन्छ कुन्नि अरूलाई प्रेममा ?
असम्भवप्रायः उपचार छ आफ्नो ।
कल्पनामा बनेको त्यो घर एउटा
नलिने कैले आकार छ आफ्नो ।
लाग्यो नशा जब यो स्वाभिमानको
पँहुचबाहिर प्रचार छ आफ्नो ।
नदेख्ने कोही अन्याय अत्याचार
नसुन्ने कोही पुकार छ आफ्नो ।
