रुपसित मगमगाउँदै झुम्ने फूललाई सोध / एस्पी कोइराला

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

एस्पी कोइराला »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

रुपसित मगमगाउँदै झुम्ने फूललाई सोध
बैंससित जगमगाउँदै चुम्ने भूललाई सोध
जसै तिमी आउनेछौ दोष मलाई लाउनेछौ
छेउमै मलाई देखेर जवाफ आफैं पाउनेछौ

नदीसरी कलकलाउँदै कुद्ने कसमलाई सोध
घाँटीभरि सलबलाउँदै उड्ने बचनलाई सोध
जसै तिमी आउनेछौ मनैभरि छाउनेछौ
छेउमै मलाई देखेर जवाफ आफैं पाउनेछौ

लामो केश लहराउँदै बाग्ने बतासलाई सोध
न्यानो मन बहलाउँदै बग्ने सुवासलाई सोध
जस्तै तिमी आउनेछौ मिठो गीत गाउनेछौ
छेउमै मलाई देखेर जवाफ आफैं पाउनेछौ