भारत की संस्कृति के लिए... भाषा की उन्नति के लिए... साहित्य के प्रसार के लिए
सूनऽ सूनऽ घऽर लागै छै / खुशीलाल मंजर
Kavita Kosh से
Lalit Kumar (चर्चा | योगदान) द्वारा परिवर्तित 17:20, 5 अप्रैल 2017 का अवतरण ('{{KKGlobal}} {{KKRachna |रचनाकार=खुशीलाल मंजर |अनुवादक= |संग्रह=पछ...' के साथ नया पृष्ठ बनाया)
सूनऽ सूनऽ घऽर लागै छै
है रं जी तरसाबऽ नै
रोज आंखी से लोर चुआबौं
तैहयो कोय पतियाबै नै
सूनऽ सूनऽ घऽर लागै छै
टुप-टुप लागै रात अन्हरिया
दरदऽ सें भरलऽ दिन दूपहरिया
ऐन्हऽ की गलती हमरऽ छै
है रं हंसी उड़ाबऽ नैं
सूनऽ सूनऽ घऽर लागै छै
कुहर मचाय छै मांग जे हमरऽ
चुटकी भर सिन्दुर छै जेकरऽ
परती धरती के अंचरा छै
मेघ बनी बिसराबऽ नै
सूनऽ सूनऽ घऽर लागै छै
नुनु दीदी के अइलै पहुंना
लागे चांद उतरलै ऐंगना
है जिनगी बेरथ हमरऽ छै
डेंगी नाव बनाबऽ नै
सूनऽ सूनऽ घऽर लागै छै
