भारत की संस्कृति के लिए... भाषा की उन्नति के लिए... साहित्य के प्रसार के लिए
हमरो पिया छै बेईमान सुनगे ननदी / खुशीलाल मंजर
Kavita Kosh से
Lalit Kumar (चर्चा | योगदान) द्वारा परिवर्तित 17:20, 5 अप्रैल 2017 का अवतरण ('{{KKGlobal}} {{KKRachna |रचनाकार=खुशीलाल मंजर |अनुवादक= |संग्रह=पछ...' के साथ नया पृष्ठ बनाया)
हमरो पिया छै बेईमान सुनगे ननदी
बड़ी अरमानऽ सें हुनका पूजलियै
हृदय मंदीरऽ केरऽ देवता बनैलियै
तहियो नै घामै मोर भगवान सुनगे ननदी
हमरऽ पिया छै बेईमान सुनगे ननदी
नै जानौं भागऽ में की लिखलेॅ विधाता
फुटलै करम जे हमरऽ टूटी गेलै नाता
दरदऽ सें भरलऽ मोर संसार सुनगे ननदी
हमरऽ पिया छै बेईमान सुनगे ननदी
काटै लेॅ दौड़ै जेनां चानऽ के इंजोरिया
मरी मरी जियौ हम्में रातऽ के अन्हरिया
दिनकऽ कहानी मोर सुनसान सुनगे ननदी
हमरो पिया छै बेईमान सुनगे ननदी
जिनगी उधार जेनां मौतऽ के समान गे
दुविधा में फसलऽ खुशी करै छै बिचार गे
कस्टऽ में बीतै मोर परान सुनगे ननदी
हमरो पिया छै बेईमान, सुनगे ननदी
