भारत की संस्कृति के लिए... भाषा की उन्नति के लिए... साहित्य के प्रसार के लिए
अमलतास रं चुनरी लहरै / राजकुमार
Kavita Kosh से
Lalit Kumar (चर्चा | योगदान) द्वारा परिवर्तित 17:48, 5 अप्रैल 2017 का अवतरण ('{{KKGlobal}} {{KKRachna |रचनाकार=राजकुमार |अनुवादक= |संग्रह=टेसू क...' के साथ नया पृष्ठ बनाया)
अमलतास रं चुनरी लहरै, गुलमोहर रं गोइयाँ
अनाड़ी पियवा नाँड़ी माँगै, काँपै रोइयाँ-रोइयाँ
डगमग डोलै छै डेंगी रं, बिन माँझी रोॅ नइया
अलसैलोॅ छै अंग-अंग, आगिन खोरै पुरबइया
बीच दुपहरी मँझधारोॅ में, हल्फै ठइयाँ-ठइयाँ
अनाड़ी पियवा नाँड़ी माँगे, काँपै रोइयाँ-रोइयाँ
पानी में पनमुरगी नाकी, आँखी पंख पसारी
तावोॅ में तबलोॅ-तवासलोॅ, अधर-अंक अजबारी
कोयल कुहकै छै कुँजोॅ सें, कँहकै भइयाँ-भइयाँ
अनाड़ी पियवा नाँड़ी माँगे, काँपै रोइयाँ-रोइयाँ
छै साँसोॅ पर साँस मातलोॅ छै, महुआ सुकुमारी
रासोॅ में रसराज, माधवीलता पसरलोॅ डारी
सिरा-सिरा कोंपल-कोंपल रोॅ, चह-चह चहक चिरैयाँ
अनाड़ी पियवा नाँड़ी माँगे, काँपै रोइयाँ-रोइयाँ
