बेरि बेरि बरजौ बाबा हो बाबा / अंगिका लोकगीत

   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

बेरि बेरि बरजौं बाबा हो बाबा, गँगा के पार मति जाहो हो।
गँगा के पार बाबा उतरत समधी भड़ुआ, लूटत बाग बगीचा हो॥1॥
बाहर लूटत बाबा खेत खरिहनमा<ref>खलिहान</ref>, दुअरहिं हाथी हथसार हो।
मड़बाहिं लूटत सीता ऐसन बेटिया, जिनि बेटी धन के सिंगार हो॥2॥
मुख पर आँचर धै बोलथिन बेटी माय, सुनु राजा बचन हमार हो।
हमरो करेजा के पलैया<ref>कलेजे का टुकड़ा; अत्यन्त प्यारी</ref> सीता बेटी, सेहो कैसे जैती<ref>जायगी</ref> ससुरार हो॥3॥
बेरि बेरि बरजौं चाचा हो चाचा, गँगा के पार मति जाहो हो।
गँगा के पार सेॅ उतरत समधी भड़ुआ, लूटत बाग बगीचा हो॥4॥
बाहर लूटत गैया महेसिया<ref>महिष; भैंस</ref> दुअरहिं हाथी हथसार हो।
मड़बाहिं लूटत सीता ऐसन बेटी, जिनि बेटी धन के सिंगार हो॥5॥

शब्दार्थ

<references/>