पानी बिनू पंछी / कस्तूरी झा 'कोकिल'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

कस्तूरी झा 'कोकिल' » ठहरी केॅ सुनीं लेॅ »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

पानी बिनू पंछी फरार होय गेलै।
पोखरी केॅ छाती दरार होय गेलद्यै।
गाय गोरू डिकरै छै,
तोड़े छै खुट्टा।
गाछ बिरीछ हुंकरै छै,
झुलसै छै भुट्टा।
रोहिनियाँ बिचड़ोॅ पुआर होय गेलै।
पानी बिनू पंछी फरार होय गेलै।
पोखरी केॅ छाती दरार होय गेलै।
नदिहौ केॅ सटलो छै,
पीठी सें पेट।
घटो नुकैली छै,
उतरै नैं हेठ।
भोरकी किरनियाँ अंगार होय गेलै।
पानी बिनू पंछी फरार होय गेलै।
पोखरी केॅ छाती दरार होय गेलै।
किसानों केॅ सूझै छै,
दिनैंह केॅ तारा।
की खैतै धीया पूताँ?
होय जयतै भारा।
पातालौह केॅ पानी निस्तार होय गेलै।
पानी बिनू पंछी फरार होय गेलै।
पोखरी केॅ छाती दरार होय गेलै।