भारत की संस्कृति के लिए... भाषा की उन्नति के लिए... साहित्य के प्रसार के लिए
पुल / तीर्थ श्रेष्ठ
Kavita Kosh से
Sirjanbindu (चर्चा | योगदान) द्वारा परिवर्तित 09:04, 9 मई 2017 का अवतरण ('{{KKGlobal}} {{KKRachna |रचनाकार=तीर्थ श्रेष्ठ |अनुवादक= |संग्रह= }}...' के साथ नया पृष्ठ बनाया)
बालापन
र यौवनबीचको
पुल कस्तो हुन्छ ?
उमेरको हाँगो
हल्लाई–हल्लाई
मच्चिइरहेकाले
झारेका फूलहरूजस्तो हुन्छ ?
कि
आकाशका ताराहरू टिपेर
समयको उदास छातीमा
टाँगिदिएपछिको समयजस्तो हुन्छ ?
बालकहरू
र यौवनबीचको पुल कस्तो हुन्छ ?
आकाशमा
जून उदाएपछि
देखिने ताराहरूको मुस्कानजस्तो हुन्छ
कि मङ्सिरमा भेटिने भकारीको उन्मादजस्तो हुन्छ ?
अथवा अरू के जस्तो हुन्छ ?
म सत्य भन्छु
सत्यको उज्यालामा
मलाई हेर्ने मन छ
बालापन र यौवनबीचको
पुल कस्तो हुन्छ ?
