भारत की संस्कृति के लिए... भाषा की उन्नति के लिए... साहित्य के प्रसार के लिए
राम राज / नवीन ठाकुर 'संधि'
Kavita Kosh से
Sharda suman (चर्चा | योगदान) द्वारा परिवर्तित 14:25, 27 मई 2017 का अवतरण ('{{KKGlobal}} {{KKRachna |रचनाकार=नवीन ठाकुर 'संधि' |अनुवादक= |संग्रह...' के साथ नया पृष्ठ बनाया)
छेलै रामोॅ रोॅ राज पाट,
बाघें-बकरी पानी पीयै छेलै एके घाट।
मुनी महात्मा कही केॅ गेलोॅ,
लुच्चा लफंगड़ राजा भेलोॅ;
सभै के नोची-चोथी केॅ खाय छै,
चोरोॅ-बदमाशोॅ केॅ पोसै छै;
बोलभोॅ बेशी तेॅ मरबैतोॅरास्ता-बाट,
छेलै रामोॅ रोॅ राज पाट।
है कि होलै हो विधाता,
बापोॅ-बेटा आरो समाजोॅ सें टूटलै नाता;
एक दोसरा रोॅ मूं पोछैय छै,
पैसा भरी सभेॅ सटैय छै;
ठगै रोॅ लगलोॅ छै हाट
छेलै रामोॅ रोॅ राज पाट।
बदलतै जबेॅ सभै रोॅ विचार,
पनपतै फरू धरमोॅ रोॅ संसार;
जबेॅ करमोॅ-धरमोॅ रोॅ बात करतै,
तबेॅ पापोॅ रोॅ दिन-रात कटतै;
‘‘संधि’’ पढ़ै छै नीति रोॅ पाठ,
छेलै रामोॅ रोॅ राज पाट।
