भारत की संस्कृति के लिए... भाषा की उन्नति के लिए... साहित्य के प्रसार के लिए
अन्हरी बिलाय / नवीन ठाकुर 'संधि'
Kavita Kosh से
Sharda suman (चर्चा | योगदान) द्वारा परिवर्तित 15:00, 27 मई 2017 का अवतरण ('{{KKGlobal}} {{KKRachna |रचनाकार=नवीन ठाकुर 'संधि' |अनुवादक= |संग्रह...' के साथ नया पृष्ठ बनाया)
कि कहबोॅ लाजोॅ रोॅ बात,
कहै छीं तेॅ, जाय छै जात।
हम्में पड़लां बीमार
खटिया पर पड़लोॅ छीं लचार
रात छेलै बड़ी गैर,
छर-छर पड़ै छेलैॅ झैर
खटिया कच-कच करै छै अन्हार रात।
कि कहबोॅ लाजोॅ रोॅ बात।
घरनी हमरा खूबेॅ मानै छै,
चौराय नुकाय केॅ दोसरौ के जानै छै,
बोलोॅ, अन्हरी बिलाय घरैं शिकार
मन्टा बाप कत्ते धधाय छोॅ बार-बार
मारलकी पीठी पर एक लात।
कि कहबोॅ लाजोॅ रोॅ बात।
मन्टा माय छै अैंचा तानोॅ,
हम्मेॅ छी एक आँखी रोॅ कांनोॅ।
हमरा दूहूॅ में खूब पटै छै
तोरा सिनी सोचनें की घटै छैॅ?
खूब दै छै हिनी ‘‘संधि’’ के साथ।
कि कहबोॅ लाजोॅ रोॅ बात।
