भारत की संस्कृति के लिए... भाषा की उन्नति के लिए... साहित्य के प्रसार के लिए
सून्नो गोद / नवीन ठाकुर 'संधि'
Kavita Kosh से
Sharda suman (चर्चा | योगदान) द्वारा परिवर्तित 15:51, 27 मई 2017 का अवतरण ('{{KKGlobal}} {{KKRachna |रचनाकार=नवीन ठाकुर 'संधि' |अनुवादक= |संग्रह...' के साथ नया पृष्ठ बनाया)
कुहकै छै कोयलिया दिनैं दुपहरिया
घट लैकेॅ पनघट के गोरी धरि लेलकी डगरिया।
कानै छी ठोकी-ठोकी कपार,
ये धरती पर दुःख हमरोॅ अपार?
कहाँ चुकलां सून्नो छै गोदी,
घोॅर बहार सब्भै जी जराय छै दोदी-दोदी।
मुँह देखाय रोॅ जगहोॅ नै पतझड़ पहड़िया
कुहकै छै कोयलिया दिनैं दुपहरिया।
सब्भे रीझै छै बसंत ऋतु पावी केॅ,
कत्तेॅ सहबोॅ हम्में दुःख दाबी-दाबी केॅ।
आश भरोसोॅटूटलोॅ जाय छै दिन रात जागी केॅ,
हे विधाता! शरणोॅ में एैलोॅ छीं सब त्यागी केॅ।
आबेॅ बितलोॅ चललोॅ‘‘संधि’’ हमरोॅ उमरिया
कुहकै छै कोयलिया दिनैं दुपहरिया।
