भारत की संस्कृति के लिए... भाषा की उन्नति के लिए... साहित्य के प्रसार के लिए
थार में पै'लो बिरवो / नरेन्द्र व्यास
Kavita Kosh से
आशिष पुरोहित (चर्चा | योगदान) द्वारा परिवर्तित 18:20, 8 जून 2017 का अवतरण ('{{KKGlobal}} {{KKRachna |रचनाकार=नरेन्द्र व्यास |अनुवादक= |संग्रह=...' के साथ नया पृष्ठ बनाया)
कितो बेकळ होयो होसी
जद बरस्यो होसी
पै'लो बादळ
हब्बीड़ उपड्यो होसी
आभै में
अर टळकी होसी
अखूट धार
मोकळा जळाव्हाळा लियां
जूण नै पसारण सारू
अबोट धरा माथै !
कित्ती बेकळ रे ई होसी
मुरधरा
जद कठै ई जाय र
उपड़ी होसी एक नदी सूं
पै ली धार
अनै सिरज्यो होसी
पै लो बिरवो
थार में
धाड़फाधड़!
