तोरोॅ सपनौंह में ऐबोॅ / कस्तूरी झा 'कोकिल'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

कस्तूरी झा 'कोकिल' » तोरा बिना »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

तोरोॅ सपनौंह में ऐबोॅ बहार लागतै।
गलाँ-गलाँ मिलबोॅ गुलजार लागतै।
रंग-रंग के खाना खिलैभौं यहाँ,
सजैलॅ पलंग पर सुतैभौं यहॉ
गपशप में होय जैतै सच्चें में भोर,
सुरभित समूचे संसार लागतै।
तोरोॅ सपनौंह में ऐबोॅ बहार लागतै।
गलाँ-गलाँ मिलबोॅ गुलजार लागतै।
सुन्दर सें सुन्दर सजैभौं यहाँ,
काजर महावर लगैभौं यहॉ।
मन पसन्द बिंदिया लगैभौं प्रिये
बाँही रॅ झूला मजेदार लागतै।
तोरोॅ सपनौंह में ऐबोॅ बहार लागतै।
गलाँ-गलाँ मिलबोॅ गुलजार लागतै।
रंग-रंग केॅ गीत सुनैभौं यहाँ
केनाँ केॅ बचलियौ बतैभाैं यहाँ।
तोरहो सें सुनबै वहाँ करेॅ कथा,
ऊपर सें बरसलें हरसिंगार लागतै।
तोरोॅ सपनौंह में ऐबोॅ बहार लागतै।
गलाँ-गलाँ मिलबोॅ गुलजार लागतै।

15/07/15 अपराहन 4.10 बजेे