भारत की संस्कृति के लिए... भाषा की उन्नति के लिए... साहित्य के प्रसार के लिए
एक साल तॅ बीती गेलै / कस्तूरी झा 'कोकिल'
Kavita Kosh से
Lalit Kumar (चर्चा | योगदान) द्वारा परिवर्तित 16:53, 13 जून 2017 का अवतरण ('{{KKGlobal}} {{KKRachna |रचनाकार=कस्तूरी झा 'कोकिल' |अनुवादक= |संग्र...' के साथ नया पृष्ठ बनाया)
एक साल तॅ बीवी गेलै
आय ताँय नैं अयलेहॅ जीं।
लागै छै रूसी बैठली छॅ,
राहे कहीं भूलै लेहॅ जी।
पता ठिकानों कुछ नैं तोरोॅ
केनाँ गीत सुनैहिहौं जी?
ढेर सिनी रचलोॅ रखलोॅ छै
केनाँ कहोॅ पठैहिहौं जी?
ई रंग तों भूलेॅ नैं पारोॅ
की छै बात बताबोॅ जी?
प्रभु सें कही केॅ आबोॅ तोंहीं
या हमरैह वहीं बोलाबोॅ जी।
कटियो टा नैं मौॅन लागै छै
जिनगी केनाँ बितैइयै जी?
रात-रात भर नींद न आबै
केकरा कही सुनैइयै जी?
बिकट समस्या घेरनें हमरा
कोय कुछ नैं पतियाबै जी।
बूढ़ा बुजुर्ग कथी लें कानतै?
फुसुर-फुसुर बतियाबै जी।
बड़ी लाज लागै छै हमरा
केनाँक लोर छिपैइयै जी?
कहिनै कानै छौॅ तोंय बाबा?
नून केॅ की कहियै जी?
17 जनवरी, 2016
