भारत की संस्कृति के लिए... भाषा की उन्नति के लिए... साहित्य के प्रसार के लिए
इँजोर (कविता) / नवीन ठाकुर ‘संधि’
Kavita Kosh से
Sharda suman (चर्चा | योगदान) द्वारा परिवर्तित 17:58, 22 जून 2017 का अवतरण ('{{KKGlobal}} {{KKRachna |रचनाकार=नवीन ठाकुर 'संधि' |अनुवादक= |संग्रह...' के साथ नया पृष्ठ बनाया)
राजा चोर परजा चोर,
के करतै देश इँजोर?
नै भेजै-छै बीछी चुनी केॅ
नै मनोॅ में सोची-समझी गुनी केॅ
जनता दै-छै समर्थन,
आँख मुनी के
पीछूँ पछताय छै, माथोॅ धूनी केॅ,
संसद में छुच्छेॅ शोर-शोर
राजा चोर परजा चोर,
तोॅय चोर, हम्मेॅ चोर
सँच्चे में सब चोर चोर
केॅ करतै देश इँजोर?
जब तक चलतै जन-जन में घूस,
तब तालूक चुनाव होतै झूठ-फूस,
लेन-देन में छै सब्भेॅ-सब्भेॅ खुश,
फरार करी करार "संधि"
पीन्है छै मुकुट मोर,
भरलो निराशा कोरंम-कोर,
राजा चोर परजा चोर
के करतै देश इँजोर?
